20 Year Old Car New Rule: केंद्र सरकारने मोटार वाहन कायद्यात एक मोठा बदल केला आहे, ज्यामुळे २० वर्षांपेक्षा जुन्या वाहनांनाही आता रस्त्यावर चालवण्याची परवानगी मिळाली आहे. हा निर्णय जुन्या गाड्यांची देखभाल करणाऱ्यांसाठी दिलासा देणारा असला, तरी या नियमामुळे वाहनधारकांना मोठा आर्थिक भार सहन करावा लागणार आहे, कारण फिटनेस प्रमाणपत्राच्या नूतनीकरणासाठी त्यांना दुप्पट शुल्क भरावे लागेल.
नव्या नियमामुळे वाहनधारकांवर आर्थिक भार
सध्याच्या नियमांनुसार, काही राज्यांमध्ये १५ वर्षे जुनी वाहने स्क्रॅप करणे अनिवार्य आहे. इतर राज्यांमध्ये ग्रीन टॅक्स भरून नोंदणी वाढवता येते. मात्र, केंद्र सरकारच्या या नव्या नियमानुसार, आता २० वर्षांपेक्षा जुनी वाहनेही चालवता येतील. पण त्यासाठी नोंदणी आणि फिटनेस प्रमाणपत्राचे नूतनीकरण करताना पूर्वीपेक्षा दुप्पट शुल्क भरावे लागेल. जे वाहनधारक आपल्या वाहनाचे नूतनीकरण करणार नाहीत, त्यांना दंड म्हणून दर महिन्याला दुचाकीसाठी ३०० रुपये आणि चारचाकीसाठी ५०० रुपये भरावे लागतील.
विविध वाहनांसाठी नवे शुल्क
नव्या नियमांनुसार विविध प्रकारच्या वाहनांसाठी आकारले जाणारे नूतनीकरण शुल्क खालीलप्रमाणे आहे:
- दुचाकी: ₹२००
- तीनचाकी: ₹५००
- चारचाकी: ₹१०,०००
- अपंग व्यक्तीसाठी बनविलेले वाहन: ₹१००
- इम्पोर्टेड दुचाकी/तीनचाकी: ₹२०,०००
- इम्पोर्टेड चारचाकी: ₹८०,०००
- इतर वाहने: ₹१२,०००
केंद्र सरकारचा हा निर्णय जुन्या गाड्या वापरणाऱ्यांसाठी एक पर्याय उपलब्ध करून देतो, पण त्याच वेळी वाढीव शुल्कामुळे तो एक मोठा आर्थिक निर्णयही बनला आहे
